الجمعة، 2 أكتوبر 2009

قال طالب مثالي

  • بيقولك قال طالب مثالي ... يا عم بلاش كلام في العالي

  • كلام في الهجايص واشتغالات ... والكل بيشتغل افري بادي

  • شوفت اعلانها وقولت .... اشطه يا مان ده الدنيا فلالي

  • لبست الحتة الزفرة وطقمت ..... وعملت فيها برنس الليالي

  • تروح وتشوف الشاب من دول ... لا مثالي ولا بوب من المعادي

  • وتخش البنت وسط اللمة.... انتي منين يا قطة تقوله انا بنت دادي

  • قولت فكك من الاشتغالات ديه .... ده حركات اللولمة بتشتغل عادي
  • دخلت وقولت أنا طالب مثالي ... قالولي فكك مني يا غالي

  • قال يعني المثالي بقميص .. ياقته مزررة وملوش من الحوارات وادي
  • وبكرة تتعلق ورقة والاسم منور .... وخد كام لحلوح واتشبرأ علي الفاضي

  • تخش اوضة الاشتغالات من دول ... يقولك اشترك اقولهم سيبوني في حالي
  • قال يعني هتدوني المليون ولا ... هتجوزوني ولا هتنجحوني في اعدادي

  • اوعي تغلط مرة وتدخل ..... يا بني مع دول عمرك ما هتبقي مثالي!
مرسلة بواسطة في
التسميات: , ,

ليست هناك تعليقات:

إرسال تعليق

الاشتراك في: تعليقات الرسالة (Atom)